“Səbail” Hagenlə yolları ayırdı

“Səbail” qapıçısı Nikolas Hagenlə yolları ayırıb.

Futbolxeber.az saytının məlumatına görə, klubun rəsmi sosial şəbəkə səhifələri bununla bağlı paylaşım edib.

“Sənin peşəkarlığın, işə münasibətin və kluba verdiyin dəyər hər zaman yadda qalacaq! Təşəkkürlər, Niko!” - deyə bildirilib.

Xatırladaq ki, Qvatemala millisinin qapıçısı olan Nikolas Hagen ötən ilin sentyabrında “Səbail”lə bir mövsümlük müqavilə imzalamışdı.