“Sumqayıt” haqqında məlumatımız azdır”

"Sumqayıt"ın UEFA Konfrans Liqasının 2-ci təsnifat mərhələsindəki rəqibi "Çukariçki"nin (Serbiya) futbolçusu Stefan Şapiç "gənclik şəhəri" təmsilçisi ilə keçirəcəkləri oyunlardan danışıb.

Futbolxeber.az saytının məlumatına görə, o, təmsilçimiz haqda məlumatlarının geniş olmadığını vurğulayıb:

"Açığı, hələlik rəqib haqqında məlumatımız azdır. Amma, şablon səslənsə də, bu gün hamı futbol oynamağı bacarır. Məşqçilər heyəti lazım olan hər şeyi edəcək. bizim işimiz isə onların tapşırıqlarını yerinə yetirmək və ilk dəqiqələrdən meydanda düzgün oynamaqdır".

Qeyd edək ki, "Çukariçki" və "Sumqayıt" arasındakı ilk oyun iyulun 21-də Serbiyada, cavab matçı isə iyulun 29-da Azərbaycanda olacaq.