“Sumqayıt”ın rəqibini yaxından tanıyaq

"Sumqayıt" UEFA Konfrans Liqasının 2-ci təsnifat mərhələsində Serbiyanın "Çukariçki" klubu ilə qarşılaşacaq.

Futbolxeber.az saytının məlumatına görə, “Sumqayıt”ın Feysbuk səhifəsi rəqib haqqında bəzi məlumatları payaşıb:

- 1924-cü ildə əsası qoyulan komanda Belqrad şəhəri yaxınlığındakı Çukaritsa əyalətini təmsil edir. Rəqibimiz ötən mövsümü lider “Partizan”dan 34 xal geridə, 3-cü pillədə tamamlayıb. Ev oyunlarını 4070 nəfər azarkeş tutumu olan “Çukariçki” stadionunda keçirən Serbiya təmsilçisi 1996 və 1997-ci ildə UEFA İntertoto Kuboku, 2014/15, 2015/16, 2016/17 və 2019/2020 mövsümlərində UEFA Avropa Liqasının təsnifat mərhələlərində iştirak edib. 2015/16 mövsümündə Avropa Liqasının 2-ci təsnifat mərhələsində "Qəbələ" ilə qarşılaşan rəqibimiz ümumi hesabda 1:2 hesabı ilə məğlub olaraq, mübarizəni dayandırıb. "Çukariçki" 2014/15 mövsümündə Serbiya Kubokunun qalibi, 2014/15, 2015/16 və 2020/21 mövsümlərində Serbiya çempionatının bürünc medalçısı olub.

Qeyd edək ki, "Çukariçki" - "Sumqayıt" qarşılaşması iyulun 21-də keçiriləcək.