Bədavi: “Qələbə üçün darıxmışıq”

“Türkiyə ilə oyunda buraxdığımz səhvləri analiz etmişik. Bir neçə hücum təşkil edib qol imkanları yaratmağı bacardıq”.

Futbolxeber.az saytının məlumatına görə, bu sözləri milli komandamızın müdafiəçisi Bədavi Hüseynov deyib.

Sabah Belarusa qarşı keçiriləcək yoxlama oyunu barədə affa.az-a açıqlama verən Hüseynov qələbə üçün darıxdıqlarını bildirib: “Düşünürəm ki, bu cür oyunumuzu davam etdirməliyik. Qələbə üçün darıxmışıq. Komanda olaraq əhval-ruhiyyəmiz yaxşıdır. Yaxşı futbol oynayaraq nəticə qazanmağa çalışacağıq. Türkiyə ilə oyunda buraxdığımız səhvləri təkrarlamamalıyıq. Etiraf etmək lazımdır ki, standart vəziyyətlər üzərində çalışırıq. Onlarda çempionat davam etsə də, düşünmürəm ki, bu, rəqib üçün üstünlük olsun. Çünki bizdə də mövsüm yeni başa çatıb, Türkiyə ilə hazırlıq oyunu oynamışıq. Belarus millisi ilə oyun bərabər səviyyəli komandaların mübarizəsi olacaq”.