“Sabahkı oyunda məğlub komanda olmayacaq”

Milli komandamızın yarımmüdafiəçisi Qara Qarayev sabah Türkiyəyə qarşı keçiriləcək yoxlama görüşü barədə danışıb.

Futbolxeber.az saytının məlumatına görə, oyun öncəsi mətbuat konfrasına qatılan Qarayev Türkiyə ilə görüşün xüsusi əhəmiyyət kəsb etdiyini bildirib:  

“Burada olmaq bizi sevindirir. Türkiyə ilə görüş bizim üçün xüsusi əhəmiyyət kəsb edir. Nəticədən asılı olmayaraq, sabahkı oyunda məğlub komanda olmayacaq. Arzu edirəm ki, ən yaxşı hazırlıq matçlarından biri olsun. Nəticəsi necə olursa-olsun, itirəcək bir şeyimiz yoxdur. Heyətdə zədəli futbolçumuzun olmaması müsbət haldır. Hər oyunda məqsədimiz qələbədir. Bizi maraqlı oyun gözləyir. Yoldaşlıq görüşləri seçmə mərhələ oyunlarına hazırlıq baxımından önəmlidir".