Sənan Qurbanov: “Yenidən kuboka yiyələnmək möhtəşəm hissdi”

“Yenidən bu titula yiyələnmək möhtəşəm hissdi. Qalib gəlmək hər zaman xoşdu. Qələbədə böyük pay sahibi futbolçulardı. Bütün komandamızı qələbə münasibəti ilə təbrik edirəm”.

Futbolxeber.az saytının məlumatına görə, bu sözləri ölkə kubokunun finalında “Sumqayıt”ı 2:1 hesabı ilə məğlub edən “Keşlə”nin baş məşqçisi Sənan Qurbanov deyib.

O, uğura hər zaman inandıqlarını bildirib: “Bu uğura hər zaman inandıq. Çempionatda bəzi oyunlarda sonda qələbəni əldən verirdik. Lakin bu baxmayaraq, futbolçuların psixoloji zərbə yaşamalarına imkan vermədik. Bugünkü oyunda planımız topa daha çox yiyələnmək idi. Amma finalın həyəcanı oyunçulara yansımışdı. İlk dəqiqələrdə bir qədər çətinlik yaşasaq da, sonradan hər şey qaydasında düşdü”.