Bədavi Hüseynov: “Təkliflər olur, amma “Qarabağ”da xoşbəxtəm”

“Qarabağ”ın müdafiəçisi Bədavi Hüseynov xarici klublardan təklif alıb.

Futbolxeber.az saytının məlumatına görə, bu haqda millimizin futbolçusu “Molodyoj Daqestana” qəzetinə verdiyi müsahibədə deyib:

“Zaman-zaman təkliflər olur. Amma “Qarabağ”da xoşbəxtəm. Bu komanda ilə çox uğura nail olmuşam. Düzü, “Qarabağ”a keçəndə təsəvvür edə bilməzdim ki, böyük turnirlərdə oynayacağıq. Bunda baş məşqçi Qurban Qurbanovun xidmətləri çoxdur. O, öz fəlsəfəsini yarada bilib. Hər il qarşımıza maksimum vəzifə qoyulur. Biz qazandıqlarımızla kifayətlənmirik. Ən əsası daha da böyümək və inkişaf etmək istəyirik”