Milli komandamız Qətərə uduzdu

Bu gün Azərbaycan milli komandası növbəti oyununa çıxıb.

Futbolxeber.az saytının məlumatına görə, Canni De Byazinin komandası DÇ-2022-nin ev sahibi, yarışın seçmə mərhələsində, A qrupunda müsabiqədən kənar yarışan Qətərlə üz-üzə gəlib. Birinci hissədə Ranil Şeydayevin qolu ilə hesabda önə keçən milli komandamız fasilədən sonra qapısında ardıcıl 2 qol görməklə meydanı məğlub tərk edib.

Qeyd edək ki, martın 24-də millimiz seçmə mərhələnin ilk turunda səfərdə Portuqaliyaya 0:1 hesabı ilə uduzub. Qətər isə yoxlama görüşündə Lüksemburqa 1:0 hesabı ilə qalib gəlib. Millimiz martın 30-da seçmə mərhələdəki ikinci matçında Bakıda Serbiya yığması ilə qarşılaşacaq. 

Yoxlama oyunu

27 mart

Qətər - Azərbaycan 2:1

Qollar: Ramil Şeydayev, 16-pen (0:1), Hassan Al Haydos, 55-pen (1:1), 58 (2:1)

Baş hakim: İvan Kruzliak (Slovakiya)

Debretsen. “Nagyerdei Stadion”