Qurban Qurbanov məğlubiyyəti şərh etdi

"Qarabağ"ın baş məşçqisi Qurban Qurbanov U-21 millimizə uduzduqları yoxlama oyunu haqqında danışıb.

Futbolxeber.az-ın məlumatına görə, o, 2:4 hesablı məğlubiyyəti belə şərh edib:

"Həmişə hər oyuna maksimum konsentrasiya ilə, diqqətlə çıxmağı istəmişəm və tələb eləmişəm. Ehtiyacımız olan hazırlıq xarakterli matç idi. Fikrimcə, bu qarşılaşmada bizə lazım olanı əldə etdik. Milli komandalarda olan futbolçularımızın zədəsiz qayıtmasını gözləyirik. Aprelin 3-4-nə kimi bir yoxlama oyunu da keçirə bilərik. Bəzi futbolçuların hazırlıq çatışmazlıqları var. Onları və mikrozədələri bərpa etməyə çalışacağıq. Əlimizdə olan futbolçularla hazırlaşıb, gözləyəcəyik".