“Sumqayıt”ın yoxlama oyununun vaxtı açıqlandı

Milli komandaların oyunları ilə əlaqədar çempionatda yaranmış fasilədən istifadə edən “Sumqayıt” komandası martın 21-də ilk yoxlama oyununu keçirəcək.

Futbolxeber.az saytının klubun mətbuat xidmətinə istinadən verdiyi məlumata görə, “kimyaçılar” I Divizion təmsilçisi MOİK-lə üz-üzə gələcək.

Sumqayıt şəhər stadionunda keçiriləcək qarşılaşmanın start fiti saat 14:00-da veriləcək.

Qeyd edək ki, “Sumqayıt” martın 28-də daha bir yoxlama oyunu keçirəcək. Ayxan Abbasovun rəhbərlik etdiyi kollektiv “Sabah”la qarşılaşacaq.