Sənan Qurbanov: "Qol vura bilmirsə, yeri ehtiyat oyunçular skamyasıdır"

"Bu gün turnir cədvəlində ön sıralara çıxmaq üçün şərait yaratmalı idik. Amma kobud səhvlərdən qollar buraxdıq. İstədiyimiz oyunu isə görə bildik".

Futbolxeber.az saytının məlumatına görə, bu sözləri "Keşlə"nin baş məşqçisi Sənan Qurbanov səfərdə "Neftçi"yə 1:3 hesabı ilə uduzduqları Azərbaycan Premyer Liqasının 19-cu turunun oyunundan sonra mətbuat konfransında deyib

O, yüz faizlik yaranan qol epizodlarından lazımınca yararlana bilmədiklərini vurğulayıb: "Bu da komandada psixoloji gərginlik yaradıb. "Neftçi"nin usta futbolçuları fürsətlərdən maksimum yararlanır. Hazırda bizim hücumçuya ehtiyacımız var. Forvard qol vura bilmirsə, yeri ehtiyat oyunçular skamyasıdır. Futbolçular çox məyusdur..."

Baş məşqçinin sözlərinə görə, Müşahidə Şurasının sədri Zaur Axundov komandaya boyük dəstək verir: "Oyunlarda kobud səhvlərə yol veririk. Nəticə məğlubiyyətə səbəb olur. Bunları Zaur Axundov da görür, amma sona qədər komandanın yanında olur".