“Bakcell Arena” Türkiyə millisinə görə təmirə bağlanır

“Bakcell Arena”da aparılacaq təmir və yenidənqurma işləri ilə əlaqədar “Neftçi”nin Media və İctimaiyyətlə Əlaqələr Departamentinin rəhbəri Rüstəm Allehverdiyev açıqlama verib.

Futbolpress.az-a açıqlamasında Allahverdiyev bununla bağlı deyib:

“Türkiyə millisi AVRO-2020-də qrup oyunlarını Bakıda keçirəcək. Onlar hazırlıq prosesi üçün “Bakcell Arena”nı seçiblər. Bu səbəbdən stadion aprelin axırı, mayın əvvəlində təmirə bağlanacaq. Həm ot örtüyü, həm də ümumən infrastruktur baxımından yenidənqurma işlərinə ehtiyac var.

“Keşlə” ilə 4-cü dövrənin oyunu mayda keçirilməli idi. Onlarla razılığa gəlib matçların yerini dəyişdik. Mayda daha bir ev oyunumuz “Qarabağ”a qarşı olacaq. Bununla bağlı da belə dəyişiklik etmək istəyirdik, sadəcə bizim də gec xəbərimiz oldu və alınmadı. “Qarabağ”la son tur oyunu böyük ehtimalla “Dalğa Arena”da keçiriləcək”.