“Qəbələ” və “Sumqayıt” uduzdu

Azərbaycan kubokunda 1/4 final mərhələsinin ilk oyunlarına start verilib.

Futbolxeber.az saytının məlumatına görə, ilk gündə 2 görüş keçirilib.

"Sumqayıt" doğma meydanda "Səbail"i qəbul edib. Qarşılaşma qonaqların minimal hesablı qələbəsi ilə başa çatıb.

Digər oyunda "Qəbələ" "Qarabağ"ın qonağı olub və 1:3 hesabı ilə uduzub.

Qeyd edək ki, bu cütlüklərin cavab oyunları fevralın 6-da keçiriləcək.

Azərbaycan kuboku

1/4 final, ilk oyunlar

1 fevral

“Qarabağ” - “Qəbələ” 3:1

Qollar: Kvabena Ovusu, 55 (1:0), Mahir Emreli, 72 (2:0); 74 (3:0), Ceyms Adeniyi, 88 (3:1)

Hakimlər: Rəvan Həmzəzadə, Cəmil Quliyev, Vüqar Bayramov, Tural Qurbanov

Qaçırılan penalti: Uroş Matiç, 33 ("Qarabağ")

Tofiq Bəhramov adına Respublika Stadionu

“Sumqayıt” - “Səbail” 0:1

Qol: Amil Yunanov, 12 (0:1)

Hakimlər: Rauf Cabarov, Elşad Abdullayev, Müslüm Əliyev, Səbuhi Bayramov

“Kapital Bank Arena”

2 fevral

16:00. “Keşlə” - “Kəpəz”

“ASK Arena”

18:00. “Neftçi” - “Zirə”

“Bakcell Arena”