“Qəbələ”: 2020-ci ildə 19 oyun

Başa çatmaqda olan 2020-ci il son günlərini yaşayır.

Futbolxeber.az-ın klubun rəsmi saytına istinadən verdiyi məlumata görə, “Qəbələ”nin əsas komandası bu il yalnız Premyer Liqada meydana çıxıb.

Komanda bu müddətdə 19 rəsmi oyun keçirib. Buna koronavirus pandemiyası səbəb olub. “Qırmızı-qaralar” sona çatdırılmadan yekunlaşan 2019/20 mövsümündə cəmi 6 matça çıxıb, cari çempionatda isə 13 görüşdə qüvvəsini sınayıb. Hər iki mövsümün kubok görüşləri də baş tutmayıb.

“Qəbələ”  2020-ci ildə 5 qələbə qazanıb, 6 heç-heçə edib və 8 dəfə uduzub. Rəqib qapılarından 24 top keçirən futbolçular 31 qol buraxıb. 9 ev oyununda 2 qələbə və eyni sayda məğlubiyyəti olan “qırmızı-qaralar” 5 heç-heçə edib. Top fərqi “Qəbələ”nin xeyrinə olub - 13:11.

Səfərdə daha çox - 10 görüş keçirən komanda 3 qələbə və 1 heç-heçəyə imza atıb. 6 məğlubiyyəti olan “Qəbələ” 11 top vurub və 20-ni buraxıb.