“Sabah”ın baş məşqçisi məğlubiyyəti şərh etdi

“İlk yarı bərabər səviyyədə keçdi. Sadəcə, penaltidən qol buraxdıq. İkinci hissəyə rəqib yaxşı başladı və daha bir dəfə fərqləndi. Biz isə qol fürsətlərindən yararlansaydıq, nəticə başqa cür ola bilərdi”.

Futbolxeber.az saytının məlumatına görə, bunu "Sabah"ın baş məşqçisi Visente Qomes evdə "Neftçi"yə 0:2 hesabı ilə uduzduqları oyundan sonra deyib.

İspan məşqçi bildirib ki, son pillədə olmaları məhz qol imkanlarından yararlana bilməmələri ilə əlaqədardır: "Bunu bütün oyunlara şamil etməzdim. Amma əksər matçlarda bu, belədir. Start heyəti daha xeyirli ola biləcəyi üçün müəyyənləşdirirəm. Eyni zamanda, ehtiyatdan çıxıb faydalı olacaq oyunçuları düşünürəm. Ramil Şeydayevlə bağlı problem yoxdur. Bu gün də özünü yaxşı tərəfdən göstərdi".

Qomes faydalı tənqidləri normal qəbul etdiyini söyləyib: "Amma işimizə heç bir təsiri olmayan tənqidlərə fikir vermirəm. İşlədiyim hər yerdə belə olub” (“Report”).