U-17 millimizin rəqibləri bəllidi

17 yaşadək futbolçulardan ibarət milli komandamızın Avropa çempionatının seçmə mərhələsindəki rəqibləri məlum olub.

Futbolxeber.az saytının məlumatına görə, 3-cü qrupda yer alan U-17 yığmamız Lüksemburq, Norveç və Belçikaya qarşı mübarizə aparacaq.

Turnirdə 52 komanda yarışacaq. Seçmə mərhələdə hər qrupdan iki komanda və 4 ən yaxşı nəticəsi olan üçüncü yerin sahibi elit mərhələyəvəsiqə əldə edəcək.

Niderland və İspaniya elit raunddan mübarizəyə qoşulacaq. Ev sahibi İsrail birbaşa 2022-ci ilin mayında keçiriləcək final mərhələsinə vəsiqə qazanıb.

Qeyd edək ki, çempionatın qarşılaşmaları 1 iyul-16 noyabrda keçiriləcək.