Azərbaycan Premyer Liqasının ən gənc komandası

Beynəlxalq İdman Araşdırmalar Mərkəzi (CIES) dünyanın 67 çempionatında bu mövsüm meydana çıxan komandaların orta yaş həddini müəyyənləşdirib.

Futbolxeber.az saytının məlumatına görə, Azərbaycan Premyer Liqasında ilk 6 turun oyunları nəzərə alınmaqla, ən gənc komanda "Sumqayıt"dır .

"Kimyaçılar"da orta yaş həddi 25,6 olub. "Zirə" (25,9) 2-ci, "Qəbələ" (26,3) 3-cü, "Səbail" (26,3) 4-cü, "Neftçi" (26,4) 5-ci, "Qarabağ" (27) 6-cı, "Keşlə" (27,5) 7-ci, "Sabah" (27,6) isə 8-cidir.

Böyük "5-lik" çempionatlarında ən gənc komanda orta yaş həddi 24.5 olmaqla "Milan"dır.  Dünyanın ən gənc kollektivi isə Latviyanın “Metta” klubu olub - 20,7.

Qeyd edək ki, Azərbaycan Premyer Liqasının 5-ci turundakı "Qarabağ" - "Səbail" matçı təxirə salındığı üçün hər iki komandanın nəticələri 5 oyuna əsasən hesablanıb.