"Qələbə üçün hər şeyi edəcəyik"

"Rəqib komandanı tam analiz etdik. Bütün məlumatları futbolçulara çatdırmışıq. Matça çox ciddi yanaşırıq. Komanda tam olaraq oyuna hazırdır. Qələbə üçün hər şeyi edəcəyik. Biz necə komanda olduğumuzu bilirik. Bütün rəqiblərə hörmətlə yanaşırıq".

Futbolxeber.az saytının "Report"a istinadən verdiyi məlumata görə, bu fikirləri "Neftçi"nin baş məşqçisi Füzuli Məmmədov UEFA Avropa Liqasının I təsnifat mərhələsində qarşılaşacaqları Şimali Makedoniya təmsilçisi "Şkupi" ilə matçdan öncə mətbuat konfransında deyib.

43 yaşlı mütəxəssis sabahkı matçdakı start heyət haqqında məlumat vermək istəməyib: "Bugünkü məşqdən sonra tam qərar verəcəyik".

Qeyd edək ki, avqustun 27-si “Bakcell Arena”da keçiriləcək “Neftçi” - “Şkupi” oyunu saat 20:00-da başlayacaq.