"Şkupi"nin qapıçısı: “Bilirik ki, "Neftçi" güclü komandadır”

"Bizi çox yaxşı və güclü rəqib gözləyir. Hamımız bilirik ki, "Neftçi" güclü komandadır".

Futbolxeber.az saytının məlumatına görə, bu fikirləri Şimali Makedoniyanın "Şkupi" komandasının qapıçısı Kristian Naumovski Bakıda "Neftçi" ilə qarşılaşacaqları Avropa Liqasının I təsnifat mərhələsinin görüşündən öncə deyib.

32 yaşlı qolkiper bildirib ki, 3-4 gün ərzində "Neftçi"ni analiz ediblər: "İndi o matça köklənmişik. Bakıya gedəcəyik və əlimizdən gələni etməyə hazırıq. Start heyətdə və ehtiyat oyunçular skamyasnda kimin olacağı vacib deyil. Meydanda olan oyunçuların 90-95 dəqiqə hər şeyi verməsi vacibdir. Hər görüşdə qələbə qazanmaq istəyirik, "Neftçi", "Pelister" və ya "Vardar" olsun, bizim üçün rəqibin fərqi yoxdur".