Nazarov qarşıdakı 2 oyun üçün millimizdən imtina etdi

Almaniyanın "Aue" klubunda çıxış edən Dmitri Nazarov Azərbaycan milli komandasının UEFA Millətlər Liqasındakı ilk oyunlarında iştirakdan imtina edib.

Futbolxeber.az saytının məlumatına görə, 30 yaşlı yarımmüdafiəçi bunu koronavirus pandemiyası ilə əlaqələndirib: "Koronavirusa yoluxmalar çoxdur və təhlükəsizlik birinci yerdədir. Azərbaycan risk zonasındadır, uçuşlar o qədər də asan deyil. Bu səbəbdən, millinin məşqçisi ilə danışdıqdan sonra evdə qalmağa qərar verdim”.

Nazarov oktyabrdakı beynəlxalq matçlar üçün milliyə qayıtmaq ehtimalı barədə bunları deyib: "Vəziyyət bir az sakitləşsə, geri qayıda bilərəm".