“Şerif” yenidən Bakıya gəlir

“Qarabağ"ın Çempionlar Liqasının 2-ci təsnifat mərhələsindəki rəqibi müəyyənləşib.

Futbolxeber.az saytının məlumatına görə, 1-ci mərhələdə Lüksemburqun "Fola Eş" klubunu 2:0 hesabı ilə məğlub edən Moldova "Şerif"i Ağdam təmsilçisinə rəqib olub.

“Qarabağ” avqustun 26-da Tofiq Bəhramov adına Respublika stadionunda Moldova çempionunu qəbul edəcək. Görüş saat 20:00-da start götürəcək.

Qeyd edək ki, "Şerif" artıq üçüncü dəfərdir avrokuboklarda "Qarabağ"a rəqib olur. Bundan əvvəlki görüşlərdə təmsilçimiz Moldova klubundan güclü olub.

2017/18 mövsümündə Çempionlar Liqasının 3-cü təsnifat mərhələsində "Şerif"i mübarizədən kənarlaşdıran (0:0, 2:1) Qurban Qurbanovun komandası növbəti dəfə Avroliqanın pley-offunda tiraspollularla üz-üzə gəlib. 2018/19 mövsümündəki duellərdə də "Qarabağ" üstün tərəf olaraq (0:1, 3:0) qrup mərhələsinə yüksəlib.