Qazaxıstanlı müdafiəçi “Sumqayıt”da

2020/2021 mövsümü üçün hazırlıqlarını davam etdirən “Sumqayıt” FK daha bir futbolçunun keçidini reallaşdırıb.

Futbolxeber.az saytının klubun Feysbuk səhifəsinə istinadən verdiyi məlumata görə, son mövsümü Aktau “Kaspi”sində keçirmiş futbolçu Kərəm Sultanovla 1+1 illik müqavilə imzalanıb. 24 yaşlı müdafiəçi yeni komandasında 4 nömrəli formada çıxış edəcək.

Qeyd edək ki, Qazaxıstanın “Ordabaşı” klubunun yetirməsi olan Kərəm Sultanov 2016-cı ilə qədər adıçəkilən komandanın əvəzedicilərində çıxış edib. Sultanov son klubu olan “Kaspi”dən öncə isə “Kızıl-Jar” (24 oyun) klubunun uğurları üçün çalışıb.