"Neftçi"də belçikalı yarımmüdafiəçi

"Neftçi"nin sıralarında görmək istədiyi yeni oyunçulardan biri Sabir Buqrindi.

Futbolxeber.az saytının məlumatına görə, "ağ-qaralar" təlim-məşq toplanışına başlayan kimi düşərgəyə qoşulacaq 24 yaşlı futbolçu ilə müqavilə imzalanacaq.

Buqrin azərbaycanlı futbolsevərlərə tanışdı. Belə ki, o, Avropa Liqasının son mövsümündə qrup mərhələsində "Qarabağ"la hər iki matçda Lüksemburqun "Düdelanj" klubunun heyətində çıxış edib.

Hətta Sabir Tofiq Bəhramov adına Respublika stadionundakı 1:1 hesabıyla nəticələnən matçda 63-cü dəqiqədə hesabı açıb.

Mərakeş əsilli belçikalı olan Buqrin hücum planında mərkəz yarımmüdafiəçisidi. O, karyerası ərzində Belçikanın "Lyers" (76 oyun, 3 qol), Fransanın "Paris-2" (19, 1), "Paris" (4, 0) və Lüksemburqun "Dudelanj" (10,1) klublarında çıxış edib (football24.az).