“Qarabağ” 3 futbolçuyla vidalaşdı

"Qarabağ" 3 futbolçusu ilə vidalaşıb.

Futbolxeber.az saytının məlumatına görə, braziliyalı qapıçı Vaqner da Silva, onun həmyerlisi Ailton Silva və belçikalı müdafiəçi Faysal Rerrasla başa çatan müqavilə yenilənməyib.

Qeyd edək ki, Silva və Faysalın komandadan göndəriləcəyi gözlənilən idi. Cari mövsüm Azərbaycan Premyer Liqasında Vaqner 1 dəfə belə meydana çıxmayıb. Heç kubok oyunlarında da ilk “11-liy”ə düşə bilməyən 34 yaşlı qolkiper rəsmi görüşdə “Qarabağ”ın formasını sonuncu dəfə 2019-cu il avqustun 13-də geyib.

Faysal Rerras isə son mövsüm Premyer Liqada cəmi 6 matçda oynayıb. O görüşlərdən də yalnız 4-də start heyətində şans qazanıb.