Rəcəbov Karlsenin turnirində

Hazırkı dünya çempionu Maqnus Karlsenin 5 turnirdən ibarət onlayn şahmat turunun növbəti - üçüncü seriyası olan “Online Chess Masters”in iştirakçıları müəyyənləşib.

Futbolxeber.az saytının məlumatına görə, bu mərhələyə 12 şahmatçı qatılacaq. Mükafat fondu 150 min ABŞ dolları olan yarış 20 iyun - 5 iyul tarixlərində keçiriləcək. Turnirdə Azərbaycan şahmatçısı Teymur Rəcəbov da iştirak edəcək.

Qeyd edək ki, yarışın qalibi 45 min ABŞ dolları qazanacaq.

Xatırladaq ki, Maqnus Karlsenin bundan əvvəl təşkil etdiyi yarışlarda Azərbaycan şahmatçıları iştirak etməyib.