Nazarov sosial şəbəkələr haqda: “Vaxtımı başqalarının nə iş görmələrinə sərf etmirəm”

Milli komandamızın və Almaniyanın "Aue" klubunun üzvü Dmitri Nazarov sosial şəbəkələrdən istifadə etmir.

Futbolxeber.az saytının məlumatına görə, o, "Bild"ə açıqlamasında bildirib ki, koronavirus pandemiyası dövründə də sosial şəbəkələrdən uzaqdır.

Nazarov özünü belə məşğuliyyətə ehtiyac duymayan azsaylı şəxslərdən biri kimi dəyərləndirib:

"Vaxtımı heç də həmişə mobil telefonumla əyləncəyə, məlumat yerləşdirməyə və ya başqalarının nə iş görmələrinə sərf etmirəm. Qurdalanmaq mənim işim deyil. Bu baxımdan, bir qədər köhnə məktəbdənəm. Boş vaxtlarımda telefonumu bir neçə saatlıq kənara qoymağa üstünlük verirəm. Məndən nəyisə soruşmaq istəsəniz, nömrəm sizdə var".