"Keşlə" və "Qarabağ" xal itirdi

Azərbaycan Premyer Liqasında bu gün XIX tura start verilib.

Futbolxeber.az saytının məlumatına görə, ilk oyun günündə 2 görüş keçirilib.

Turun açılış oyununda “Sumqayıt” “Keşlə”ni qəbul edir. Matçın gedişində meydan sahibləri 2 dəfə önə keçsələr də, yekunda görüşdə qalib aşkarlanmayıb.

Digər matçda isə "Qarabağ" "Sabah"ı qəbul edir. Bu qarşılaşmada 90 dəqiqə ərzində hesab açılmayıb.

Qeyd edək ki, tura sabah oynanılacaq iki qarşılaşma ilə yekun vurulacaq.

Azərbaycan Premyer Liqası

XIX tur

29 fevral

“Sumqayıt” - “Keşlə” 2:2

Qollar: Peyman Babayi 4 (1:0), Vüsal İsgəndərli 10 (1:1), Rəhim Sadıxov 59 (2:1), Slavik Alxasov 80 (2:2)

Hakimlər: Kamal Umudlu, Rahil Ramazanov, Eyyub İbrahimov, Rauf Allahverdiyev

“Kapital Bank Arena”

“Qarabağ” - “Sabah” 0:0

Hakimlər: Elçin Məsiyev, Pərvin Talıbov, Qəzənfər Məmmədov, Fərid Hacıyev

Tofiq Bəhramov adına Respublika Stadionu

1 mart

15:00. “Zirə” - “Qəbələ”

Hakimlər: Orxan Məmmədov, Elşad Abdullayev, Vüqar Bayramov, Rəşad Əhmədov

Zirə İdman Kompleksinin stadionu

17:00. “Neftçi” - “Səbail”

Hakimlər: Səbuhi Bayramov, Müslüm Əliyev, Nahid Əliyev, Vüqar Həsənli

“Bakcell Arena” 

Bombardirlər: Stiven Monroz ("Neftçi"), Peyman Babayi ("Sumqayıt"), Mahir Emreli ("Qarabağ") - 7 qol, Lorenzo Frutos ("Keşlə"), Baqali Dabo ("Neftçi") - 6 qol