“Səmədaga Şixlarovun əməliyyat xərclərini AFFA ödəyəcək”

“Neftçi”nin veteran futbolçusu Səmədağa Şıxlarov dünən əməliyyat olunub. Sosial şəbəkələrdə AFFA-nın veteran futbolçunun əməliyyat xərclərini üzərinə götürdüyü, lakin sonradan sözügedən maliyyə vəsaitini ödəməkdən imtina etməsi barədə xəbərlər yayılıb.

AFFA-nın İnformasiya və İctimaiyyətlə Əlaqələr Departamentinin rəhbəri Firuz Abdulla Futbolxeber.az saytına açıqlamasında məsələyə belə aydınlıq gətirdi:

“Futbol veteranı Səmədağa Şıxlarov Respublika Diqnostika Mərkəzində aparılacaq cərrahiyyə əməliyyatının maliyyə xərcinin ödənilməsi ilə bağlı AFFA-ya müraciət edib və müraciətə uyğun olaraq, AFFA rəhbərliyi tərəfindən əməliyyat xərcinin ödənilməsi barədə göstəriş verilib. Müvafiq qaydada AFFA ilə Respublika Diaqnostika Mərkəzi arasında müqavilə imzalanıb. Lakin məlumat almışıq ki, fevralın 24-də Səmədağa Şıxlarov qeyd olunan tibb ocağında əməliyyat olunub. AFFA Respublika Diaqnostika Mərkəzi ilə əlaqə saxlayıb və mövcud müqaviləyə uyğun olaraq, müvafiq məbləğ RDM-ə ödəniləcək. Əgər daha öncə məbləğ ödənilibsə, Səmədağa Şıxlarova geri qaytarılacaq. Bununla bağlı RDM-dən AFFA-nın müvafiq strukturuna təsdiq cavabı verilib”.