“Qəbələ” bu dəfə MTK-ya uduzdu

Türkiyədə təlim-məşq toplanışında olan “Qəbələ” bu gün ilk oyununu keçirilib.

Futbolxeber.az saytının məlumatına görə, “Qırmızı-qaralar” Macarıstanın MTK klubu ilə qarşılaşıb. Görüş Budapeşt klubunun qələbəsi ilə başa çatıb - 3:0.

Xatırladaq ki, komandalar ötən qışda da yoxlama oyununda üz-üzə gəlib. Antalyada baş tutan həmin matçda “qırmızı-qaralar” 3:2 hesablı qələbə qazanıblar. Rəqiblər UEFA Avropa Liqasının 2016-2017-ci illər mövsümündə II təsnifat mərhələsində də qarşılaşıb. Hər iki görüşdə qalib gələn “Qəbələ” mərhələ adlayıb - 2:1, 2:0.

Qeyd edək ki, “Qəbələ” Antalya toplanışı çərçivəsində daha üç yoxlama oyununda qüvvəsini sınayacaq.