“AZE Nakhchivan-Köln SK” klubunun təqdimat mərasimi keçiriləcək

2020-ci il fevralın 15-də “AZE Nakhchivan-Köln SK” Futbol Klubunun təqdimat mərasimi keçiriləcək.

Klubun mətbuat xidmətindən Futbolxeber.az saytına verilən məlumata görə, təqdimat mərasimi klubun bazasında baş tutacaq. Almaniyanın Köln şəhərində baş tutacaq təqdimat mərasiminə Almaniyadan, Türkiyədən və müxtəlif ölkələrdən idman ictimaiyyətinin nümayəndələri, eyni zamanda, alman mediası dəvət olunacaq.

Bundan başqa, Azərbaycandan da idman ictimaiyyətinin tanınmış simaları, eyni zamanda, futbola maraq göstərən müxtəlif ictimai-siyasi xadimlər, incəsənət adamları və media nümayəndələri dəvətlilər sırasında olacaq.

Tədbirdə eyni zamanda klubun planları haqqında məlumat verilcək. Həmçinin, klubun forması və saytı təqdim olunacaq.