“Qəbələ” və “Keşlə”dən qələbə

Azərbaycan Premyer Liqasında 13-cü tura start verilib.

Futbolxeber.az saytının məlumatına görə, ilk oyun günündə 2 görüş keçirilib.

"Qəbələ" öz meydanında "Zirə"ni qəbul edib. Matç meydan sahiblərinin 3:0 hesablı qələbəsi ilə başa çatıb. Bu qələbə sayəsində Elmar Baxşıyevin komandası sonuncu pillədən qurtulub.

Digər görüşdə isə "Keşlə" "Sumqayıt"ı qəbul edib. Bu matçda da 3 xal meydan sahiblərinə qismət olub. 2:1 hesablı qələbə sayəsində Tərlan Əhmədovun komandası ən azı 1 günlük yenidən ikinci pilləyə yüksəlib.

Qeyd edək ki, turun digər oyunları 1-2 dekabr tarixlərində keçiriləcək.

Azərbaycan Premyer Liqası

XIII tur

30 noyabr

“Keşlə” - “Sumqayıt” 2:1

Qollar: Miyusko Boyoviç 16 (1:0), Lorenzo Frutos 54 (2:0), Əmir Ağayev 66 (2:1)

Hakimlər: Elçin Məsiyev, Elşad Abdullayev, Qəzənfər Məmmədov, Fərid Hacıyev

“ASCO Arena”

“Qəbələ” - “Zirə” 3:0

Qollar: Rövlan Muradov 12, Fernan Lopez 41, Davit Volkov 70

Hakimlər: Rəvan Həmzəzadə, Cəmil Quliyev, Vüqar Bayramov, Nicat İsmayıllı

Qəbələ şəhər stadionu

1 dekabr

15:00. “Səbail” - “Neftçi”

2 dekabr

20:00. “Sabah” - “Qarabağ”

Bombardirlər: Lorenzo Frutos ("Keşlə") - 6 qol, Mehdi Şərifi ("Sumqayıt"), Peyman Babayi ("Sumqayıt"), Stiven Monroz ("Neftçi"), Davit Volkov ("Qəbələ") - 5 qol