“Sabah”ı Ümit Özat çalışdıracaq?

Son olaraq "Adana Demirspor"u çalışdıran Ümit Özat Azərbaycanda işləyə bilər.

Futbolxeber.az saytının Türkiyə mətbuatına istinadən verdiyi məlumata görə, "Sabah" türk mütəxəssisin xidmətində maraqlıdır.

Bakı klubunun nümayəndələrinin 42 yaşlı çalışdırıcı ilə danışıqlar aparmaq üçün İstanbulda olduğu bildirilib.

Qeyd edək ki, Ü.Özat karyerası ərzində "Ankaragücü", "Manisaspor", "Elazığspor", "Boluspor", "Samsunspor", "Mersin İdmanyurdu", "Gənclərbirliyi", "Giresunspor"u çalışdırıb.

Xatırladaq ki, "Sabah" baş məşqçisi Elşad Əhmədovla qarşılıqlı razılıq əsasında yolları ayırıb. İqor Ponomaryov komandanın  müvəqqəti baş məşqçisi təyin olunub.