Krivotsyuk "Sumqayıt"dan üzr istədi

"Neftçi"nin futbolçusu Anton Krivotsyuk Azərbaycan Premyer Liqasının III turunda "Sumqayıt"la oyunun sonlarında iştirakı ilə  yaşanan insidentdə görə üzr istəyib.

Futbolxeber.az saytının məlumatına görə, gənc müdafiəçi bununla bağlı "İnstagram"da yazıb:

"Bütün azarkeşlərdən və rəqib komandaya aiddiyatı olan insanlardan üzr istəyirəm. Qoldan sonra bunu həddən artıq qeyd etməyimə görə üzrxahlıq edirəm. Biz hamımız insananıq, emosiyalarımız var. Ancaq xahiş edirəm ki, rəqibin futbolçularının və ya məşqçilər korpusunun ünvanına hansınsa sözləri deməyimlə bağlı insanlara yalan informasiyanı çatdırmayın. Videoyazı var, orda dəqiq görünür ki, qoldan sonra nə baş verdi. Qolun qeyd olunması vardı, söz yox. Özümü əldən buraxdım və buna müvafiq olaraq cəzalandırılacağam".

Xatırladaq ki, qarşılaşmaya əlavə olunmuş dəqiqələrdə “Neftçi” qələbə topunu vurarkən meydanda ara qarışıb. “Sumqayıt”ın kapitanı Vurğun Hüseynov qeyri-etik jest edən Anton Krivotsyukun üzərinə gedərək onun başına zərbə endirib. Nəticədə Anton ikinci sarı vərəqə, Vurğun isə birbaşa qırmızı vərəqə ilə meydandan qovulub.