"Partizani"nin prezidenti: "Qarabağ"ın əvəzinə başqa rəqibin düşməsini arzulayırdım"

“Partizani”nin prezidenti Qazmend Demi Çempionlar Liqasının birinci təsnifat mərhələsində qarşılaşacaqları “Qarabağ”la oyun haqda danışıb.

 

Futbolxeber.az saytının məlumatına görə, Albaniya klubunun prezidenti “Qarabağ”la oyun haqda bunları deyib:

 

“Qarabağ” bizdən təcrübəli komandadı. Bu komanda ardıcıl neçə ildi ki, Azərbaycanda çempionluq qazanır. Onların yaxşı komandası var, Çempionlar Liqasının qrup mərhələsinə qədər irəliləmişdilər. “Qarabağ”ın əvəzinə başqa rəqibin düşməsini arzulayırdım. Amma istənilən halda 11 futbolçu 11 futbolçuya qarşı oynayır. Mən öz komandama inanıram. Bir neçə transferlə biz uğurlu çıxış edə bilərik” (Report TV).