“Zirə” Boluya yollanacaq

“Zirə”nin yay təlim-məşq toplanışının planı bəlli olub.

Futbolxeber.az-ın klubun saytına istinadən verdiyi məlumata görə, komandanın  hazırlığı 2 mərhələdən ibarətdir.

İlk mərhələ Bakıda olacaq və 21 iyun-19 iyul tarixlərini əhatə edəcək. “Qartallar” bu müddətdə 4 yoxlama oyunu keçirəcək.

Komanda iyunun 29-da “Qəbələ”, iyulun 6-da “Sabah”, 13-də isə “Keşlə” ilə qarşılaşacaq. İyulun 19-daki rəqibin kimliyinə isə hələ aydınlıq gəlməyib.

Hazırlığın 2-ci hissəsi isə Türkiyənin Bolu şəhərində olacaq. “Zirə” 20 iyul-4 avqust aralığında qonşu ölkədə təlim-məşq toplanışında olacaq. Samir Abasovun komandası burada da 4 yoxlama oyunu keçirəcək. Qarşılaşmalar 23, 26, 30 iyul və 3 avqust tarixlərində nəzərdə tutulub.