UEFA “Neftçi”nin ilk oyununun yerini dəyişdi

Avroliqanın birinci təsnifat mərhələsində “Neftçi”nin ilk oyununun yeri dəyişdirilib.

Futbolxeber.az saytının məlumatına görə, püşkün nəticəsinə əsasən, Bakı klubu Moldova təmsilçisi “Speranta”nı iyulun 11-də Bakıda qəbul etməliydi. Lakin UEFA bu oyunun yerini dəyişib.

Qərara əsasən, “Neftçi” ilk oyununu evdə deyil, səfərdə keçirəcək. Buna səbəb Moldovanın 2 klubu - “Speranta” və “Petrokuba”nın Avroliqadakı ev oyunlarını eyni stadionda - Kişinyovdakı “Zimbru” stadionunda keçirməsidir. Püşkün nəticəsinə əsasən, hər iki Moldova təmsilçisi ilk görüşünü səfərdə, cavab matçını isə Kişinyovda keçirməliydi. Bir gündə hansısa stadionda 2 avrokubok matçının keçirilməsi qeyri-mümkün olduğundan, iyulun 11-də “Neftçi” səfərdə meydana çıxacaq.

Qeyd edək ki, cavab görüşü iyulun 18-də “Bakcell Arena”da keçiriləcək.