“0:3-dən sonra futbolçuları kökləmək çətin idi”

"Oyuna pis başlamamışdıq. Amma ustalıq öz sözünü dedi. 0:3-dən sonra futbolçuları kökləmək çətin idi. Üzərimizdə təzyiq var. 5 gündən sonra "Zirə" ilə oyuna hazırlaşacağıq".

Futbolxeber.az saytının məlumatına görə, bu sözləri "Sumqayıt"ın baş məşqçisi Ayxan Abbasov Tpopaz Premyer Liqanın 22-ci turunda evdə "Qarabağ"a 0:6 hesabı ilə məğlub olduqları oyundan sonra keçirilən mətbuat konfransında deyib. 38 yaşlı mütəxəssis darmadağını bu cür şərh edib:

"İbrahim Əliyevi məndən yaxşı tanıya bilməzsiniz. Birinci divizionda 8 qol heç də hər şey demək deyil. Müdafiə xəttində isə Şəhriyar Əliyev əsas heyət oyunçusudur. Yeganə dəyişiklik Elvin Məmmədov idi. Məğlubiyyətdə, əlbəttə, mənim də payım var. Həftə ərzində Zubirin üzərində işləmişdik. Amma Zubir bir komandanı aldadıb qol vurursa, mən nə edə bilərəm?"