“Səbail” və “Neftçi”dən qələbə

Topaz Premyer Liqada sonuncu - dördüncü dövrəyə start verilib.

Futbolxeber.az saytının məlumatına görə, ilk oyun günündə 22-ci turun 2 görüşü keçirilib. Açılış matçında "Zirə" "Səbail"i qəbul edib. Qonaq komanda son dəqiqə qolu ilə qalib gəlib - 2:1. "Səbail"in yeni transferi Maykl Essyen bu görüşü ehtiyat oyunçular skamyasından izləyib.

Digər görüşdə isə lider "Neftçi" "Keşlə"nin qonağı olub və 1:0 hesabı ilə qalib. Bu qələbə ilə xalını 48-ə yüksəldən Roberto Bordinin komandası liderliyi qoruyub.

Qeyd edək ki, 31 mart soyqırımı gününə görə turun digər iki oyunu - “Qəbələ” - “Sabah” və “Sumqayıt” - “Qarabağ” matçları aprelin 1-də (bazar ertəsi) keçiriləcək.

Topaz Premyer Liqası

XXII tur

30 mart

“Keşlə” - “Neftçi” 0:1

Qol: Emin Mahmudov, 79-pen

Hakimlər: Əliyar Ağayev, Akif Əmirəli, Rza Məmmədov, Rəşad Əhmədov

“ASK Arena”

“Zirə” - “Səbail” 1:2

Qollar: Ağabala Ramazanov, 41 (0:1), Sezar Rodrigez, 69 (1:1), Şəhriyar Rəhimov, 90+4 (1:2)

Hakimlər: Vüqar Həsənli, Cəmil Quliyev, Elşad Abdullayev, Namiq Bəkirov

Zirə İdman Kompleksinin stadionu 

Bombardirlər: Baqali Dabo ("Neftçi") - 9 qol, Mahir Mədətov ("Qarabağ"), Marko Deviç ("Sabah"), Emin Mahmudov ("Neftçi") - 7 qol, Mirabdulla Abbasov ("Neftçi"), Ceyms Adeniyi ("Qəbələ") - 6 qol