Sabiq "Xəzər Lənkəran"lı: "Azərbaycan idmana böyük pullar xərcləyir"

“Xəzər Lənkəran”ın sabiq futbolçusu Adrian Pit Azərbaycan haqda danışıb.

 

Futbolxeber.az saytının məlumatına görə, rumıniyalı futbolçu “Xəzər Lənkəra”dakı çıxışı barədə danışıb:

 

“Xəzər Lənkəran”da üç ildən çox oynamışam. Azərbaycan son illərdə çox artırıb. Təkcə futbolda yox, bir çox idman növlərində nəzərdə tuturam. Azərbaycanda idmana böyük pullar xərclənir. Son yeddi ildə yeddi stadion tikilib. Üstəlik onlar “Formula-1” qran-prisini təşkil edirlər. Azərbaycan pulu olan və inkişaf edən ölkədi. Təsadüfi deyil ki, Azərbaycan klubları Çempionlar Liqası və Avropa Liqasının qrup mərhələlərində oynayır. 

 

Məsələn, “Roma” Çempionlar Liqasında “Qarabağ”a qarşı oynadı. Bu komandanın 10 ilə yaxındı ki, eyni baş məşqçisi var və onlar son illərdə ölkədə çempion olurlar. Azərbaycanın inkişaf etməsinə həsəd aparıram”.