"Qurban Qurbanov milli komandaya baş məşqçi gələndə demişdim ki..."

“Qurban Qurbanov milli komandaya baş məşqçi gələndə də demişdim ki, ona həm klubda, həm də millidə işləmək çətin olacaq”.

Bu sözləri Futbolxeber.az saytına açıqlamasında milli komandamızın keçmiş futbolçusu Kamal Quliyev deyib.

Quliyev AFFA-nın Qurban Qurbanovla bağlı verdiyi qərara münasibəti belə olub: “Praktika və tarix göstərib ki, bu mümkün olan şey deyil. Ya bir komandanı millinin bazası eləməlisən. Qurban Qurbanov gərək millinin bütün oyunçularını “Qarabağ”a yığardı və bu klubu millinin bazası edərdi. Onda nəsə bir iş görmək olardı. Ancaq belədə, çətindi. Təyinat olanda da demişdim ki, Qurban Qurbanov üçün çətin olacaq. Alınası şey deyil idi. Biz də istəyərdik ki, uğurlu olsun. Amma göründü ki, bu nəticəsiz qaldı. Paralel olaraq klubda və millidə işləmək çətindi”.

“Ola bilər ki, Rəşad “Qarabağ”a futbolçu kimi lazımdı. Çünki o, bu klub üçün böyük fiqurdu. Bilirsiz, Rəşad Sadıqov da qərar qəbul etməlidi, ya oynamalıdı, ya baş məşqçi olmalıdı. Fikirləşirəm ki, Qurban Qurbanovun yanında olması Rəşadın öz qərarıdı. Yəqin ki, Rəşad U-21 yığmasından öz istəyilə ayrılıb” – deyə, Kamal Quliyev fikirlərini yekunlaşdırıb.