"Qurban Qurbanovun gedişi mənim üçün gözlənilməz oldu"

“Qəbələ”yə qarşı oyunumuz maraqlı alındı. Hər iki tərəf qələbə üçün oynayırdı. Qələbə qazanmaq üçün şanslarımız old, ancaq yararlana bilmədik. Ümumi götürsək, pis təsir bağışlamadıq”. Bu sözləri Futbolxeber.az saytına açıqlamasında “Səbail”in hücumçusu Ağabala Ramazanov deyib.

Komandanın aparıcı üzvü ölkə kubokunun ¼ final mərhələsinin “Zirə” ilə oyunlarında uğurlu nəticə qazanmaq istədiklərini bildirib: “Qəbələ” ilə oyunun “Zirə” ilə heç bir əlaqəsi yoxdu. Çünki biri çempionat, digəri isə kubok oyunudu. Tam fərqli turnirlərdi. Kubokda iki oyunun nəticəsinə görə qalib müəyyənləşir. Ona görə də “Zirə” ilə oyuna tam başqa cür hazırlaşırıq. Mərhələni keçmək üçün əlimizdən gələni edəcəyik. Komanda olaraq hər zaman üst pillələrdə olmağı, layiqli mübarizə aparmaq istəyirik. “Zirə” də bizimlə oyuna başqa cür çıxacaq”.

Sonda isə Ağabala Ramazanov Qurban Qurbanovun millidən gedişinin onun üçün gözlənilməz olub-olmadığını bildirib: “Bəli, Qurban Qurbanovun gedişi mənim üçün gözlənilməz oldu”.