"Sibir"in futbolçusu: ""Azərbaycan yığması üçün maraqlı olduğumu düşünmürəm"

“Azərbaycan yığması üçün maraqlı olduğumu düşünmürəm”.

Bu sözləri Futbolxeber.az saytına açıqlamasında “Sibir”in futbolçusu Şamil Qurbanov deyib.

U-19, U-21 və əsas millimizdə də çıxış etmiş Qurbanov yenidən Azərbaycan millisində oynamaq istəyir.

Ancaq bunun baş tutmayacağını düşünür. Buna səbəb isə “Ulises” klubunda baxışda olduğunu bildirib.

O bildirib ki, erməni klubuna səhvən yollanıb: “Bu, çoxdanın söhbətidi. Amma onu deyə bilərəm ki, heç hansı kluba yollandığımı bilmirdim. Sadəcə o vaxtkı menecerim başıma oyun açmışdı. Təbii ki, Azərbaycanda oynamaq istəyərdim. Amma bilirəm ki, orada mənim haqqımda neqativ düşünürlər. Halbuki mən hər zaman Azərbaycan üçün bütün gücüm və ürəyimlə oynamışam”.