Yakub Jezniçak: "Ümivdaram ki, "Vorskla" açıq futbol oynayacaq"

“Qarabağ”ın müdafiəçisi Yakub Jezniçak Avropa Liqasının dördüncü turu çərçivəsində “Vorskla”ya qarşı oynayacaqları oyun haqda danışıb.

Futbolxeber.az saytının məlumatına görə, azerisport.com-a danışan polşalı stoper bunları deyib:

“Düşünürəm ki, maraqlı oyun olacaq. “Vorskla” yaxşı komandadı. Ümidvaram ki, rəqib Bakıdakından fərqli olaraq evində açıq futbol oynayacaq. İstənilən halda biz Poltavaya yaxşı futbol oynayıb, hər zaman olduğu kimi qələbə qazanmaq üçün gəlmişik. Bəli, bu mümkündü. Amma bunun üçün biz çox yaxşı futbol oynayıb, meydanda hər şeyimizi verməliyik”.