19 Iyul 2025, Şənbə
"Qarabağ" onunla yollarını ayırdı
“Sabah” Avroliqa ilə vidalaşdı
“Neftçi" "Hapoel"lə heç-heçə etdi
Sami Mmaee rəsmən “Qarabağ”da

Ölkə futbolu

Rahil Məmmədov: "Poltavaya qələbə ardında gedəcəyik"

Şriftin ölçüsü: Şrifti böyüt Şrifti kiçilt
01.11.2018 11:09
"Qarabağ"ın futbolçusu Rahil Məmmədov Topaz Premyer Liqasının 7-ci turundan "Keşlə" ilə təxirə salınmış oyundan (1:1) sonra jurnalistlərin suallarını cavablandırıb. Futbolxeber.az saytının məlumatına görə, 23 yaşlı müdafiəçi əvvəlcə görüş haqda danışıb:
 
"Bizə heç nə mane olmadı. Sadəcə, futbolda həmişə qələbə olmur. Hərdən məğlubiyyət, xal itkiləri də qaçılmazdır. Bunlardan da dərs çıxarıb irəli baxmalıyıq".
 
- Bu nəticə ədalətlidir, yoxsa "Qarabağ" qalib gəlməli idi?
- Deyərdim ki, ədalətlidir. Düzdür, topa daha çox biz sahib idik, rəqibin elə də çox qol epizodu olmadı. Buna baxmayaraq, nəticə 1:1-dirsə, demək, belə də olmalı idi.
 
- Son 5 oyunun 4-dən məğlubiyyətlə ayrılmışdınız, bu gün isə heç-heçə oldu...
- Bunlara uğursuzluq deməzdim. Həmişə qələbə olmur ki... Hərdən məğlubiyyətlə də üzləşirsən. Bu, bəlkə də xeyrimizədir. Lazımi nəticəni çıxarmaq lazımdır. Hər bir klubda bu cür uğursuzluq, ağır ab-hava ola bilər. İrəli baxmalıyıq.
 
- "Neftçi" artıq 5 xal irəliddədir. Demək olarmı ki, ötən mövsümlərlə müqayisədə bu il çempionluq sizin üçün daha çətin olacaq?
- İnanmıram ki, "Qarabağ" üçün çempionluq nə vaxtsa asan başa gəlib. Hər zaman çətinlik olub. Lakin heç birimiz çətinlikdən qorxmuruq. Birinci dəfə deyil ki, belə halla rastlaşırıq.
 
- "Vorskla"ya Ukraynada qalib gəlməyə gücünüz çatacaq?   
- Əlbəttə, gücümüz çatar. Amma qalib gələcəyimizi əvvəlcədən demək olmaz. Poltavaya nə məğlub olmağa, nə də heç-heçə etməyə gedirik. Biz ora qələbə üçün yollanacağıq.
 
- "Qarabağ"da az oynadığın halda millinin heyətində yer aldığına dair söz-söhbətlər sənə necə təsir edir?
- Belə söz-söhbətləri eşitməmişəm. İlk dəfə siz dediniz. Heç bir mənfi təsiri yoxdur, buna inanmıram da. Yaxşı oynayanda yaxşı, pis oynayanda pis deyirlər. Bunlar futbolun tərkib hissəsidir.
 
- "Qarabağ"da Rəşad Sadıqov, Bədavi Hüseynov və Yakub Jezniçak kimi mərkəz müdafiəçiləri var. Belədə sənin üçün start heyətə düşmək çətin olmur?
- Əksinə, sevinirəm ki, belə müdafiəçilərlə eyni klubdayam. İnkişaf rəqabət olan yerdə var. Hər üçündən çox şey öyrənirəm. Onların Çempionlar Liqası və Avropa Liqası təcrübələri var. Mən isə Avroliqada cəmi 3 oyunda meydana çıxmışam, o da son dəqiqələrdə. Yəni, öyrənəsi çox şey var.

Xəbəri paylaş






Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  





Ölkə futbolu

“Qarabağ”, “Zirə” və “Araz Naxçıvan”ın 3-cü mərhələdəki potensial rəqibləri

“Səbail”in müdafiəçisi Türkiyə klubunda

“Qarabağ” məşqləri bərpa etdi

Ramiz Məmmədovun əvəzinə Vəli Qasımov

"Qarabağ" onunla yollarını ayırdı

"Turan Tovuz" Bakıda, “Kəpəz” Qəbələdə, “Karvan” isə Şamaxıda oynayacaq

PFL Azərbaycan futbolçu üçün yeni mahnı hazırlayıb

Azərbaycan Premyer Liqasında 2025/26 mövsümünün püşkü atılıb

Çox oxunan xəbərlər

  1. “Neftçi” daha iki transferi rəsmiləşdirdi - ÖZƏL
  2. Vüqar Nadirovla yolları ayıran “Şəmkir”də yeni baş məşqçi
  3. “Turan Tovuz” “Benfika”nın yetirməsini transfer edir - EKSKLÜZİV
  4. Firuz Abdulla: “Ümidvarıq ki, turnir cədvəlində əlifba sırası “Səbail”in “S”-i ilə pozulacaq”
  5. “Kəpəz”dən ayrılan futbolçu “Səbail”də - ÖZƏL
  6. Erkin İbrahimov “Kəpəz”dən gedir?
  7. "Neftçi" Ozobiçlə yollarını ayırdı
  8. “Neftçi” hazırlığa start verdi
  9. “Səbail”in hücumçusu legioner həyatı yaşayacaq - ÖZƏL
  10. “Səbail” “Bakı”nın daha bir yetirməsini transfer etdi
  11. Rəşad Sadıqovdan “Neftçi” rəhbərliyinə təşəkkür
  12. "Zirə" 4-cü transferini reallaşdırdı
  13. “Lill”in yetirməsi “Neftçi”də - SON DƏQİQƏ
  14. Hamidu Keyta “Araz-Naxçıvan”da
  15. PFL I Liqanın başlama tarixini açıqladı

Arxiv

Iyul 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31