"Qarabağ"ın "Arsenal"la görüşdə bir xal qazanması da yaxşıdı"

“Qarabağ”ın sabiq futbolçusu Vüqar Nadirov Futbolxeber.az saytına açıqlama verib. Ağdam klubunda uzun illər oynamış Nadirov Qurban Qurbanovun başçılıq etdiyi komandanın bu gün “Arsenal”a qarşı keçirəcəyi görüşü dəyərləndirib. O, “Qarabağ”ın London təmsilçisi ilə görüşdə xal qazana biləcəyini bildirib: “Qarabağ” “Arsenal”la çətin oyuna çıxacaq. Təbii ki, hamımız “Qarabağ”a inanırıq. Amma nə qədər çətin olacağını da hamı yaxşı bilir. İstənilən halda “Qarabağ” “Arsenal”a qarşı sona qədər mübarizə aparacaq. Təbii ki, “Arsenal”la görüşdə bir xal da yaxşı olardı. Qələbə isə sadəcə olaraq möhtəşəm olardı. Ümid edirəm ki, hər şey yaxşı olacaq”.