Medvedev: "Hamımız bir olsaq, nəticə qazana bilərik"

"Bizi maraqlı oyun gözləyir. Özümüz də bu oyunu gözləyirik. Özümüzü sınamaq istəyirik. Çalışacağıq ki, ən yaxşı oyunlarımızdan birini oynayaq və baş məşqçinin tapşırıqlarını yerinə yetirib yaxşı nəticə qazanaq".

Futbolxeber.az saytının məlumatına görə, bu sözləri "Qarabağ"ın futbolçusu Maksim Medvedev deyib.

O, "Arsenal" haqda fikirlərini də bildiirb: "İngiltərə futbolu yüksək səviyyədədi, hər-tərəfli güclüdülər. “Atletiko” ilə oynayanda fikirləşirdik ki, texnikalıdılar. “Arsenal” elədi ki, həm fiziki, həm texniki, həm də sürətlidilər. Ona görə də hazır olmalıyıq. Biz Azərbaycan çempionatında oynayırıq. İldə bəlkə bir dəfə belə oynayırıq. Daim bu cür komandalara qarşı oynasaydıq, “Arsenal”a qarşı oyunumuz daha yüngül alınardı.

Futbolda dəyişmək məsələsindən uzağam. Çünki utanıram. Ola bilər paltardəyişmə otağında dəyişim. Kolleksiya yığmıram, həvəsim yoxdu. Güclü futbolçulara qarşı oynamışam, amma heç kimin arxasınca düşüb futbolka almaq istəmirəm.

Hamımız birlikdə olsaq, fikrimiz, istəyimiz bir olsa yaxşı nəticə qazana bilərik. Ağır oyun olacaq, əsas odu ki, təzyiq altında oynamayaq. Amma bəzi futbolçuların karyerasında ola bilsin bir dəfə belə oyun olsun”.