"Milliyə dəvət olunmaq? Qurban Qurbanovun verəcəyi qərardı"

"Sumqayıt"ın müdafiəçisi Şəhriyar Əliyev Futbolxeber.az saytına açıqlama verib. Əliyev "Zirə" ilə görüşü dəyərləndirib: 

 

"Ağır oyun alındı. Həm rəqibimiz çətin idi, həm də sünii örtüklü meydanda keçirdik. Amma şükür Allaha zədəsiz başa vurduq oyunu və qalib gəldik. Hər oyuna necə hazırlaşırıqsa, bu görüşə də elə hazırlaşmışdıq. "Zirə"nin itirəcəyi heç nə yoxdu. Yaxşı oyun getdi, qol vurub sona qədər qapımızın toxunulmazlığını saxlaya bildik. Ardıcıl ikinci qələbəmizi qazandıq. İstəyirik ki, davamını gətirək. "Səbail"lə görüşdə də uğurlu nəticə istəyirik. Ağır olacağını bilirik, "Səbail" yaxşı komandadı. 

 

"Milliyə dəvət olunmaq?Vallah nə deyim. Hər oyuna  çıxanda, öncə klubumuzu düşünürük, yaxşı oyun göstərib, yaxşı nəticə qazanaraq yuxarı pillələrə qalxmaq istəyirik. Milliyə də dəvət olunaramsa, çox sevinərəm. Qurban Qurbanovun verəcəyi qərardı, dəvət gəlsə çox sevinərəm. Dəvət gəlməsə, öz üzərimizdə çatışmayan cəhətləri təkmilləşdirərik" - deyə, Şəhriyar Əliyev fikirlərini yekunlaşdırıb.