"Qarabağ"ı səfərdə məğlub etmək? Futbolda hər şey olur"

“Oyunun əhəmiyyətini başa düşürük. Ağır oyun olacağını da bilirik”.

Bu sözləri Futbolxeber.az saytına açıqlamasında “Sumqayıt”ın müdafiəçisi Şəhriyar Əliyev deyib.

Sabah Premyer Liqanın dördüncü turu çərçivəsində “Sumqayıt” “Qarabağ”ın qonağı olacaq. “Gənclik şəhəri” təmsilçisinin üzvü Əliyev bu matçda qalib gəlmələrinin də mümkün olduğunu bildirib: “Oyuna yxşı hazırlaşırıq. Xal qazanmağa çalışacağıq. Səfərdə oynayırıq, çətin olacağı məlumdu. Lazım olan oyunu oynayıb xal qazanacağımıza inanıram.

“Qarabağ”ı səfərdə məğlub etmək? Müasir futbolda hər şey olur. “Qarabağ” yaxşı rəqibdi. Onlar haqda çox danışmağa ehtiyac yoxdu. Biz əlimizdən gələni edəcəyik ki, səfərdən xalla dönək”.