"İnanıram ki, Azərbaycanla oyunda motivasiyasımız yaxşı olacaq"

Malta milli komandasının baş məşqçisi Rey Farrucia sabah Azərbaycan yığmasına qarşı keçiriləcək görüş barədə danışıb.

Futbolxeber.az saytının məlumatına görə, Farruciya Azərbaycanla matçda qələbə qazanmaq istədiklərini bildirib: “Farer adalarına 1:3 hesabı ilə məğlubiyyətə görə çox üzgünəm. Biz Farer adaları ilə görüşü yaxşı analiz etməliyik.

Həmin oyundakı səhvlərimizi görərək, Azərbaycanla oyuna köklənməliyik. Bu bizim ilk ev oyunumuz olacaq. İnanıram ki, Azərbaycanla oyunda futbolçularımın motivasiyası çox yaxşı olacaq. İlk oyundakı uğursuzluğu unutdurmaq istəyirik”.