"Kukesi"nin üzvü Futbolxeber.az-a danışdı: "Nə qədər çətin olsa da, bunu edə bilərik”

“Kukesi”nin futbolçusu İrakli Dzariye Futbolxeber.az saytına açıqlama verib.

Gürcü futbolçu bu gün Çempionlar Liqasının ikinci təsnifat mərhələsində “Qarabağ”a qarşı keçirəcəkləri görüşü dəyərləndirib.

Dzariya “Qarabağ”la görüşün çətn keçəcəyini etiraf edib: “Valetta” səddini çətinliklə keçdik. Çünki yeni komandamız var, bir-birimizə öyrəşməyimiz zaman alacaq. Buna baxmayaraq, ikinci təsnifat mərhələsinə yüksəlməyi bacardıq.

Növbəti mərhələdə rəqibimizin “Qarabağ” olacağına əmin idik. “Qarabağ” çox güclü komandadı, heyətində milli oyunçuları çıxış edir. Bu da onların gücündən xəbər verir. İlk oyunu evdə oynayırıq, istəyimiz uğurlu nəticə qazanmaqdı. Nə qədər çətin olsa da, bunu edə bilərik”.